Seo o lokelang ho se tseba le
Ditokelo tsa hao ha o nka onshorense ya lepato
BOTO YA DITSHEBELETSO TSA DITJHELETE
Lefapha la Thuto ya Mosebedisi
Keng seo o lokelang ho se tseba ka pholisi ya lepato
Letshwao la bohlokwa ka ho fetisisa la PHOLISI YA THUSO YA LEPATO / POLISI YA SEHLOOHO ke hore pholisi e lokela ho NGODISWA ke khampani e rejistaruweng ya inshorense ya nako e telele. Sena ke ho netefatsa hore setho se na le tiisetso ya semolao ya ho ka tleleima ha e le hore ho hlokahala ya kentsweng inshorenseng.
MONGA PHOLISI / SETHO se lokela ho fuwa SETIFIKEITI SA BOTHO. Setifikeiti sena se lokela ho beha ka ho hlaka lebitso la underwriter (khampani ya inshorense); tjhelete e lefuwang; dibenefiti e lefuwang; mekgwa ya ho etsa tleleimi le tsebiso enngwe ya bohlokwa mabapi le pholisi ya sehlooho. Pholisi ya sehlooho e lokela ho hlalosa ka ho hlaka hore polokelo ya ditopo kapa diakgente tsa bona ha ba sebeletse underwriter kapa khampani ya inshorense le hore ka tsela e jwalo ha se tsona di-underwriter.
Ho bohlokwa hore beng ba dipholisi ba tsebe hore ba na le ho boikgethelo ba ho nka dibenefiti tsa pholisi ka tshebeletso ya lepato kapa ka tjhelete.
Setefikeiti se hlakisa tsebiso yohle e hlokehang ya Monga pholisi / Setho hore a tsebe hore inshorense e qala neng ho sebetsa; ho sireleditswe eng le hore tse sa KENYELLETSWANG ke dife; nako tse lokelang ho emelwa jj.
Ditlhaloso
THUSO YA LEPATO / PHOLISI YA SEHLOOHO
Se bolela tokomane ya semolao e ntshitsweng ke underwriter / khampani ya inshorense e nang le dintlha tse mabapi le dibenefiti, direiti, dipehelo le maemo mme e nang le nomoro ya pholisi, e lokelang ho hlahella setifikeiting sa botho.
MEKGATLO YA SETSWALLE
Mokgatlo wa setswalle ke setsha sa ditjhelete se thehuweng ke sehlopha sa batho ba nang le ditlhoko tse ikgethang, ba ntshang tjhelete le ho e boloka mmoho ho thusana ka tjhelete bakeng sa ditlhoko tse qollehang mohl. lepato. Kuno ya molemo e fella ho R5 000. Mokgatlo wa Setswalle ha se kgwebo e etsang phaello, empa phaello e entsweng ho tswa sethong se beheletsang ka dinyehelo e a arolelanwa ke ditho kaofela.
O lokela ho batla hore o fuwe setifikeiti sena ho tiisa hore o setho. Setifikeiti sena se lokela ho o bontsha dintlha tsohle tsa pholisi ya hao.
Sena se mabapi le khampani e fuweng matla ke underwriter / khampani ya inshorense ho sebetsa boemong ba hae ho o rekisetsa pholisi.
Khampani ya inshorense ya nako e telele e rejistaruweng ho Boto ya Ditshebeletso tsa Ditjhelete e fumanang ditefo tsa hao le e nang le boikarabelo ba ho lefa dibenefiti moo ho hlahileng lefu teng.
MONGA PHOLISI / SETHO
Sena se bolela wena ya lefang ditefello tsa dibenefiti tsa batho bao o ba kgethileng jwalo ka setho jwalo ka setho.
DITEFELLO
Tjhelete eo o e lefang ho underwriter ho ya ka Pholisi ya Sehlooho.
Enwa ke moto ya ikemetseng eo wena jwalo ka setho o ka ikopanyang le yena ha e le hore ha o thabele karabo ya modisi. Dintlha tsa hae tsa ho ikopanya le yena di hlahella tsebiso ya semolao le leqepheng le kamorao la bukana ena.
Mongodis / khampani ya inshorense o tla lokodisa dipehelo kapa mahloko ka hara pholisi ao e bang a ka baka lefu la motho ya leng tlasa tshireletso, ao ho se nang se molemo o tlang ho lefuwa.
Dipotso tseo o tla lokelang ho di botsa le tsebiso eo o lokelang ho e fumantshwa ke morekisi
P: Ke underwriter ofe eo o mo emetseng?
K: Bopaki bo lokela ho fanwa ke motho ya rekisang pholisi le ho ba foromong ya kopo le setifikeiting sa botho se ntshuwang.
P: Nomoro ya Pholisi e reng?
K: Sena se lokela ho bonahala foromong ya kopo le Setifikeiting sa Botho.
K: Bana ke batho bao o ba kgethileng.
P: Ke lefa bokae?
K: Ena ke tjhelete eo o tlang ho e lefa mme e kenyelletsa difefiso tsohle le ditjhelete. Ditefiso tsena di lokela ho bontshwa ka ho hlaka.
P: Na ke lefa ka kgwedi, kotara kapa selemo?
K: O tla lokela ho botsa hore o lefe neng?
P: Na ke lefa pele kapa hamorao?
K: O tla lokela ho botsa hore o tla lefa maqalong a kgwedi kapa (pele) kapa mafelong a kgwedi kapa hamorao.
P: Ke lokela ho lefa jwang?
K: Kontane, ho hulwe akhaonteng kapa moputsong.
P: Ha ke lefa kontane na ke fumana rasiti?
K: E, e lokela ho ba rasiti e molaong.
P: Na ditefello tsee di ka nyoloha nakong e tlang?
K: Ditefello di ka nyoloha ha e le hore ho na le ditleleimi tse ngata tse tlasa pholisi.
P: Ditefello di tiiseleditswe nako e bolelele bo bokae?
K: Sena se lokela ho hlahella Pholising ya Sehlooho.
P: Inshorense ya ka e qala neng?
K: Ho ka nna ha ba le dinako tsa ho leta Pholising ya Sehlooho.
P: Dinako tsa ho leta keng?
K: Tsena di tla hlahella melawaneng le dipehelong tsa Pholisi ya Sehlooho.
P: Ho etsahala eng ha lefu le bakuwe ke kotsi?
K: Hangata nako tsa ho leta ha di sebetse.
P: Na ho na le tse sa kenyelletswang?
K: Tsena di tla hlahella melawaneng le dipehelong tsa Pholisi ya Sehlooho.
P: Ho etsahalang ha nka tlolwa ke ho lefa kapa ka tlohela ho lefa?
K: Ha o na ho ba tlasa inshorense mme ha o qalella ho lefa hape, nako a ho leta le tse sa kenyelletswang di ka boela tsa sebediswa.
P: Inshorense ya motho ka mong e fellwa neng?
K: Dintlha tse felletseng o lokela ho di fuwa, haholoholo mabapi le bana.
P: Na ke ba le tiisetso ya botho?
K: O lokela ho fumana Setifikeiti sa Botho le kakaretso e kenelletseng ya hore ho kentswe mang, tjhelete e lefuwang, dinako tsohle tsa ho leta le tse sa kenyelletswang.
P: Na hamorao nka eketsa inshorense ya ka?
K: E, o ka eketsa dibenefiti tsa pholisi ya hao ha Pholisi ya Sehlooho e dumella hoo, nako e nngwe le e nngwe; sena se tla boela se eketsa ditefo tsa hao. Tse sa kenyelletswang le dinako tsa ho leta di ka sebediswa molemong o ekeditsweng.
K: Mokgwa wa ho tleleima o lokela ho o tsebiswa ka botlalo melawaneng le dipehelong.
P: Na nka sheba Pholisi ya Sehlooho?
K: O na le tokelo ya ho bona Pholisi ya Sehlooho. Sena se etswa hangata ha o sa kgotsofala ke dikarabo tseo o di fuwang kapa o na le kgwao ka motho ya o rekisetsang pholisi. Pholisi ya Sehlooho e lokela ho ba teng kantorong ya ditshebeletso tsa ditlelaente e haufinyane.
P: Na nka tlohela pholisi?
K: O ka tlohela pholisi ya hao matsatsing a 30 o lefile tefo ya hao ya pele le ho fumantshwa tjhelete ya hao ka botlalo ha o sa ka wa tleleimela lefu. Kamora moo pholisi e ka tlohelwa nako e nngwe le e nngwe, empa ha ho na tjhelete e tlang ho kgutliswa.
K: Sena se ka etswa, empa o tla lokela ho tsebiswa le hore e tla ama batho ba neng ba kentswe ho yona pele jwang, mabapi le tsohle tse ka hodimo. O lokela ho fuwa setifikeiti se setjha sa botho ke Underwriter / Khampani ya inshorense e motjha. Ha o ikutlwa o se boemong bo tshwanang kapa bo betere ho ba pele, o lokela ho ikopanya le Underwriter / Khampani ya inshorense e motjha kapele ka moo o ka kgonang ka teng.
P: Ho etsahalang ha ke na le tletlebo kapa potso?
EH Dintlha tse mabapi le Ombudsman le FSB di lokela ho ba Setifikeiting sa Botho mme di boela di kamorao ho bukana ena ya tsebiso.
